文章分享
新聞

Sunny Wong 出席《2017中國小姐大賽》記者會



香港文匯報訊(記者 植毅儀)《2017中國小姐大賽》將於本周五舉行決賽,屆時將會有40位來自各省各地的佳麗參與,佳麗將於明天以三點式泳裝會見傳媒。

組委會主席伍小平、籌委會榮譽主席林建名、溫拿成員彭健新、本地佳麗25歲的王曉敏及排舞師Sunny Wong昨日於觀塘會見新聞界。伍小平透露今次邀得彭健新以價值200萬美元(約1,600萬港元)、被列入世界紀錄大全的鑽石結他演出,事前更為結他投保逾千萬:「結他主人唯一條件係要彭健新彈,個結他仲係政府認可的20個世界之最。個比賽有香港元素,以慶祝香港回歸祖國20周年為契機,充分展示香港經濟繁榮、文化發展的嶄新風貌。溫拿係代表香港文化、Sunny就幫手排隻中國夢香港夢的舞蹈,仲有香港花式跳繩隊演出,並有鍾偉強、周美欣演唱,其中周美欣更獻唱大會主題曲《愛心已點燃》。」

剛從加拿大返港的彭健新表示,已先後彈過該貴價結他兩次,故今次已是第三次。健仔笑言:「上兩次彈的時間好短,今次沒時間限制,會盡量拖時間,但個結他的鑽石黐得好實,點『扽』都唔甩,希望到時跌一二粒落地啦!」

健仔更指由於工作繁忙,已推過伍生兩次,但最終仍被說服:「我昨晚(前晚)先返,仲時差緊,有幾件行李遺漏在加拿大,會叫航空公司賠償,因為會影響到工作。(今次演出收友情價?)唔知,但比賽當晚,我中午仲要幫無綵排慈善騷,晚上去表演。」

選美重長腿揀女友重上圍

林建名以籌委榮譽主席身份出席,對審美眼光要求高的他表示暫未見完全部40位佳麗,但大讚本地佳麗王曉敏省鏡,談到明天眾佳麗將會三點式上陣,林建名即雙眼發光謂:「係咩?(期待?)日日都期待。(揀靚女有咩準則?)除靚同身材,都要智慧。(長腿?)長腿比例好。(長腿同Cup級邊樣優先?)台上面梗係長腿好,做女朋友應該係上圍緊要些!」