文章分享
新聞

練舞壓力大 胡琳減肥膏欲拒還迎



歌手胡琳(Bianca)與排舞老師Sunny Wong(黃國榮)為5月底假九展騷綵排,在Dancers伴舞下演唱《盡情投》。Bianca自言身形Fit了不少,穿上衣服亦覺得鬆身,但笑言之前不敢上磅:「我做咗兩、三個星期運動,脂肪比率反而高咗。因為我食少咗,唔夠蛋白質。好大打擊!做運動好辛苦!」她透露後來上磅發現輕了兩磅,笑言只能樂觀地認為減了肥膏。

問Sunny有何評價?她笑說:「好驚!不如你問佢。佢好嚴謹,不過都唔係太大壓力,佢要求我一定要型,但都唔容易。」歌衫方面,胡琳表示不算性感,可能比現時穿的更多布:「Sunny話人哋睇到就睇到,都有道理嘅,最緊要形態同平衡。(有冇辣身舞?)有隻係欲拒還迎,仲有一隻未排,可能Sunny有驚喜。(同Dancers打Pat?)我鍾意自己打自己!如果唔係要睇有冇理由咁做。」她坦言較少跳舞,要花時間記舞步,壓力很大。