文章分享
新聞

向戴凱欣過兩招 丁子高乘機向千嬅示愛



歌手楊千嬅與老公丁子高昨晚出席「四洲太子女」戴凱欣(Kennis)的婚宴,丁子高還在席間獻唱。他表示跟新娘子認識了12年,見到好友出嫁,非常感動:「我成日同佢講『你係一個好女仔,值得有個好男人錫你。』我覺得新郎係個好細心嘅好人,見佢好照顧Kennis,相信可以照顧佢一世,佢同我一樣係上海人,好多人都話上海人係細心啲,好多人都話娶要娶潮州女人,嫁要嫁上海男人,所以我娶咗千嬅,因為佢係潮州人。」

送禮方面,丁子高坦言送錢最實際,又以過來人身份向一對新人傳授夫妻相處之道,他坦言:「兩夫妻行呢條路要好耐,大家互相體諒,感恩每日喺埋一齊,遇到咩問題唔好隔過夜,要攤出嚟講,就好似我同千嬅咁。(知唔知佢想唔想生小朋友?)我唔知,冇同佢傾呢個話題,覺得佢想生小朋友。」他又指一對新人非常有心思,請來著名排舞師Sunny Wong為他們排舞,與兄弟姊妹在席上齊齊跳,很特別。