文章分享
新聞

網民熱話:Sunny Wong教胡琳掃街要素顏



[東網] 貴為美食之都的香港,世界各地菜色雲集,講到「掃街」除咗最深受香港人愛戴外,呢種文化亦影響到好多遊客!今日無綫官方Facebook專頁《See See TVB》就上載一條新片,由歌手胡琳同埋排舞師Sunny Wong(黃國榮)帶大家去屯門掃街「食好西」,真係夠晒「貼地」!

開波喇!Sunny問胡琳掃街最緊要帶咩?胡琳好可愛咁答「帶掃把」,Sunny搞爛Gag咁話:「最重要係素顏!因為大熱天時,會食到成身都係汗,搞到個妝溶就唔靚㗎啦!」

胡琳聽完黑面即轉身搵嘢食!平時靠把靚聲搵食嘅胡琳,今次認真唔錫聲,對住當前美食完全冇忍口,由刨冰下到壽司樣樣都擺落口。雖然胡琳食量驚人,不過管錢呢方面就似乎真麻麻地,當佢去到其中一間食店諗住畀錢嗰陣,竟然唔小心將啲散紙跌到一地都係,搞到佢同Sunny都要係咁執錢,令到場面極度狼狽,又要拎住食物,又要執錢!

網友即時回應,估唔到屯門咁多嘢食,仲大讚胡琳好可愛!

網民有話兒:
Chi xxn Cxxng:胡琳正
Whxxney xo Po xxm:完全唔知有咁多野(嘢)食
xxdy Kexxg:胡琳好可愛!
Chrxxty xxx:執錢搞到好狼狽。