文章分享
新聞

名模好學不倦 歐陽妙芝學唱歌彈琴兼作曲



[頭條日報]      名模歐陽妙芝(Christine)於07年生完細仔方玉亨後,因欠缺運動重了二、三十磅,曾被人稱為「肥師奶」,Hurt爆。於是她搵著名排舞師Sunny Wong學跳舞減肥,兩個月已去晒水腫兼減掉20磅肥膏,至現時每星期仍跟對方學Jazz和Hip Hop。除了Keep Fit,也可練氣。皆因兩年前學彈琴的她,去年開始學唱歌和作曲,適逢她與著名化妝師Gary開設的化妝學校十周年,她打算幫學校作首主題曲慶祝吓。

歐陽妙芝生完大仔方玉丞後,因有纖體公司簽為代言人,減磅不成問題。到第二個兒子就沒有相關待遇,加上她少做運動,一路暴脹,她形容:「到09年真係接受唔到自己個樣。」於是她跟Sunny狂跳舞減肥,加上她任纖體代言人時,學識減肥的飲食秘方,「最開頭一日三餐都食蘋果、蛋同大量嘅菜,同埋夜晚唔好食澱粉質。」兩個月已見效,之後為了健康,一直有繼續跳,現時連兩個兒子都是Sunny的學生。

韓國拍MV

  因妙芝近年開始學唱歌,唱歌老師曾指她不夠氣,多跳舞亦可以練氣。由於她也有學琴,並嘗試作曲,已有第二首作品的她,很多朋友聽過都讚旋律和歌聲動聽,她本月中更會到韓國拍MV,製作超認真。

  據知,已有模特兒公司搵她幫忙作一首公司的主題曲,不過她笑言:「就算真係寫,都幫自己嘅化妝學校寫先,因為今年係我地嘅十周年。」望年中可以成事。